Árligi starvsfólkadagurin hjá ArtiCon hildin við Tjarnir

Í dag savnaðist alt fólkið hjá ArtiCon til árliga starvsfólkadagin – hesa ferð í nýggju høllini við Tjarnir.

Hetta var fyrstu ferð, at høllin hýsti slíkum degi, og hon var sera góð til endamálið.

Evnið fyri dagin í ár var “samstarv millum ættarliðini”.

Skráin var fjølbroytt. Millum annað vóru framløgur um virksemið og gongdina hjá felagnum seinasta árið og í komandi tíð. ArtiCon hevur bygt høllina við Tjarnir, og á starvsfólkadegnum varð greitt frá sjálvari verkætlanini, og so var rundvísing í stásiliga bygninginum.

Seinnapartin varð dentur lagdur á toymisarbeiði, áðrenn tikið varð samanum, og so varð avrundað við einum góðum handverkarabita.

Starvsfólkadagurin er ein fastur táttur í árinum hjá ArtiCon og eydnaðist stak væl.