ArtiCon skal byggja sambýlið við Rygsá

Í vikuni skrivaðu ArtiCon, Almenna- og Heilsumálaráðið og Landsverk undir sáttmála um byggingina av nýggja sambýlinum við Rygsá á Argjum. Sambýlið er ætlað vaksnum við autismu.

Byggingin fevnir um fýra eindir við seks íbúðum í hvørjari. Bygt verður eftir lendinum, soleiðis at eindirnar liggja forskotnar í mun til hvørja aðra. Samlaða byggingin verður umleið 2.000 fermetrar til støddar.

Arbeiðið byrjar innan seks vikur og verður væntandi liðugt um ársskiftið 2027–2028.