Articon í Vágatunlinum

Articon arbeiðir í løtuni náttararbeiði í Vágatunlinum. Uppgávurnar eru so at siga tær somu sum í Norðoyatunlinum. Vegøksl og føringskantur verður stoyptur báðumegin, og nýggir háspenningskaðlar skulu leggjast. Síðan skal planerast við nýggjum skervi, soleiðis at tað er klárt at stoypa vegøkslina. Í vegøksl verða útsparringar gjørdar til markeringsljós.

Tá føringskanturin, sum verður stoyptur við serstakari maskinu, er stoyptur, skulu háspenningskaðlar hjá SEV leggjast út og afturum føringskantin.

Arbeiðið verður væntandi liðugt síðst í apríl mánaða.