Triðji kranin komin til ArtiCon

Í hesum mánaðinum fekk ArtiCon sín triðja krana í maskinparkina. Hetta er ein Liebherr LTM 1150-5.3 – ein nýmótans 150 tons mobilkrani, sum gevur okkum enn størri kapasitet, fleksibilitet og trygd.

Bummurin er 66 metrar, men við gittarmast og jib røkkur hann út á 94 metrar. Krókahæddin er tá heilar 92 metrar.

Kranin er útgjørdur við VarioBase, ein framkomin telduskipan, ið ger, at hann kann lyfta trygt og neyvt – eisini á trongum plássum.

Hann hevur eisini kerru, so at hann við stuttari freist kann koma út til allar kranauppgávur í Føroyum.

Frammanundan eigur ArtiCon tveir kranar: ein Grove 250 tons mobilkrana, sum lyftir upp í 95 metra hædd, og ein Liebherr 100 tons lendiskrana (rough terrain crane).

Útbúnaðardeildin hjá okkum umsitur allar kranarnar. Hevur tú spurningar ella tørv á at fáa loyst eina kranauppgávu, ert tú altíð vælkomin at seta teg í samband við okkum á telefon +298 286 168.