Sára Norðoy útlærd sum skrivstovufólk

Sára Norðoy hevur í dag fingið lærubræv sum skrivstovufólk við sergrein innan fyrisiting.

Sára hevur staðið í læru í fyrisitingini á Hjalla. Í sambandi við yrkisútbúgvingina hjá Sáru var ein hugnaløta í kantinuni á Hjalla í morgun. Christian Danielsen, fíggjarstjóri, handaði Sáru eina heilsan frá felagnum í sambandi við merkisdag hennara.

Vit ynskja Sáru hjartaliga til lukku við útbúgvingini og alt tað besta í framtíðini. Sára heldur fram í felagnum sum skrivstovufólk.